Тұранқұлова Д.
Сахна тілі: Жоғарғы оқу орындары театр өнері факультеттерінің студенттеріне арналған оқу құралы. 2-басылым / Д. Тұранқұлова -Алматы: “Лантар books” ЖШС, 2022 – 232 бет.
Бұл кітаптың авторы – Т.Жүргенов атындағы театр және кино институтындағы “Сахна тілі” пәнін жүйелеп, арнаға салған тәжірибелі ұстаздың бірі, тіл мәдениетінің жанашыры, кафедра меңгерушісі, Қазақстанның еңбек сіңірген қайраткері, профессор, академик Дариға Тұранқұлова. Еңбекте қазақ театрындағы тіл өнерінің тууы мен қалыптасуына қысқаша шолу жасалып, қазіргі сахна тілінің түйінді мәселелері, дикция, тыныс, дауыспен жұмыс істеудің әдіс-тәсілдері, қара сөзбен және өлеңмен жазылған шығармаларды сахна тіліне негіздеп қолданудың ерекшеліктері жайында сөз болады. Сондай-ақ қазақ тілі мен қазақ әдебиетінің ғылыми айналымға кеңінен енгізілген кейбір тұжырымдары “Сахна тілі” пәнін оқытуға лайықталып жүйеге түсіріліп, пайдаланылған. Бұрын-соңды көркем әдебиетіміздің үлгілері мол мысал түрінде келтіріліп, әрбір тарау ішіне сыналап енгізілген.
Кітап театр және кино институтының, мәдениет жоғарғы оқу орындарының, эстрада студиялары мен арнаулы техникумдардың, училищелердің, колледждердің оқытушылары мен студенттеріне, теледидар, радио дикторларына, журналистерге хабар жүргізушілеріне және театр өнеріне ынтызар қалың көпшілік оқырманға арналады.