Дүйсебай Е.К., Дүйсебай Е.Е.
Тұрғын үйлер сәулеттік тұрпаттануы. “Сәулет” мамандығына арналған оқулық- — ЖШС “Лантар books’. 2023. — 214 б.
Сәулетші – өмір сүру кеңістігін салтанатты сәулетті етіп қалыптастырып, адамзат баласына, қоғамға сәулелі, сәнді тұрғын орта сыйлаушы маман. Сәулет – қажеттілігі, мықтылығы және әдемілігі өзара тығыз байланысқан, адам қоғамы өмір сүру ортасының заттық негізі. Бізді қоршаған жасанды өмір сүру ортасының сапасы сәулетшінің рухани санасы мен өркениетті білімінің нәтижесі.
Заманауи сәулеттік жобалау ісінде «Сәулеттік тұрпаттану» саласы оның ғылыми негізі болып саналады және бұл ілім сәулеттің әлеуметтік, міндеттемелік, құрылымдық, экономикалық және сәулет-көркемдік талаптары мен мөлшерлерін айқындайды.
Ұсынылып отырған «Тұрғын үйлер сәулеттік тұрпаттануы» атты оқулық тұрғын үйлер сәулетінің дамуы мен атқаратын міндеттерін айқындау және болашақ сәулеттік тұрпаттарын ғылыми негізде жобалау қағидаларын қалыптастыруға арналған.
Сәулетші мамандар дайындау саласындағы білім беру үдерісінде «Тұрғын үйлер сәулеттік тұрпаттануы» пәнінің алатын орны зор. Болашақ сәулетшілер тұрғын үйлер сәулетінің дамуы мен жаңа тұрпаттарының қалыптасу заңдылықтарын зерделеп, жаңа тұрғын орта құру қағидаларына сай өскелең талаптарға негізделген жобалар туындауы кәсіпті игеру жолындағы заман талабы.
Кітап сәулетші мамандарды даярлайтын жоғарғы оқу орындарының студенттеріне, сәулетші мамандарға және үй жобалау-құрылыс саласының мамандарына арналған.