Қ.Жұбанов атындағы Ақтөбе өңірлік университетінің кітапханасына доцент, өнертану мамандығы бойынша философия докторы А.И. Раимбергенов күйші-композитор Қазаңғап Тілепбергенұлының өмірі мен шығармашылығына қатысты монографиялық жинақты сыйға берді.
Бұл монографиялық жинақ қазақтың ұлы күйші-композиторы, Ақтөбе облысы күйшілік дәстүрінің ірі өкілі, күй төресі Қазанғап Тілепбергенұлының өмірі мен шығармашылығына арналған. Авторлар күйші шығармашылығына байланысты тыңғылықты зерттеулер жүргізіп, Қазанғап өмірбаянын Ақтөбе облысының Шалқар, Мұғалжар, Байғанин, Ойыл, Ырғыз, Қарабұтақ (қазіргі Әйтеке би), Мәртөк, Алға, Темір аудандарынан жазып алған құнды мәліметтермен және Ақтөбе, Орынбор мұрағаттарынан, Қарақалпақстанның Нүкіс, Кегейлі, Мойнақ, Қоңырат аудандарынан жинаған фольклорлық экспедицияның тың деректерімен толықтырған.
Бұл жинақтар жоғары және орта білім беретін музыкалық оқу орындарының ұстаздары мен студенттеріне, қазақ өнерінің, жанашырларына, өнертанушы, мәдениеттанушы жас ғалымдарға, орындаушы күйшілерге, жалпы өнер сүйер қауымға арналған.